MUSEO MASSÓ
O Museo Massó é un museo da
Xunta de Galicia que ten a súa sede no
edificio máis antigo de fábrica de conservas "Massó Hermanos", no que se levantara con
anterioridade a súa primeira fábrica de salgadura, e máis tarde se destinara ao
"Museo Marineiro". Nel convive o patrimonio marítimo e industrial co
espírito erudito do colecciónesmo doutra época.
A
súa peculiaridade reside en que é
froito das inquietudes culturais dos industriais Gaspar, José Mª e
Antonio Massó. O seu interese pola historia da
navegación lles leva a crear unha colección de libros imprimidos entre os
séculos XV e XIX, instrumentos náuticos, cartografía, documentos e maquetas de
embarcacións históricas que constitúen a alma desta colección. En 1932 deciden
transformala en Museo e instalalo no antigo edificio da conserveira
familiar. Co tempo, os testemuños das
factorías conserveiras e baleeiras
e a actividade pesqueira irán completando o perfil dun museo único e
sorprendente que conserva o encanto da colección orixinaria.
A
exposición permanente ofrece
un percorrido pola conquista do mar e a explotación dos seus recursos. A sala
dedicada á conquista do mar conserva a museografia orixinal dos anos 30 do século XX, constituíndo en se
mesma unha peza de museo.
As
salas dedicadas á explotación dos recursos do mar céntranse na actividade
industrial dos Massó, a fábrica
de conservas e a caza da balea, mostrando unha colección única en España.
Finalmente, dentro desta mesma temática, pódese visitar a gran sala na que se
expoñen as tres embarcacións tradicionais mais representativas da Ría de Pontevedra, destacando o gran pecio da última lancha xeiteira.
O MONTE CHANS
Este lugar ten unha área
recreativa con mesas cubertas. Pero ademais podemos visitar o seu mirador, que
pola súa altura, permítenos ter unha boa panorámica sobre a vila de Bueu e a
ría de Pontevedra.
Desde este lugar podemos
apreciar os diferentes elementos que forman a paisaxe, tanto de costa:Baía, cabos, praias, illas, ría de
Pontevedra...; como de montaña: Vales, Outeiros, chaira, ladeira, cima, etc.
Este sitio ademais
convértese nun lugar ideal para lanzarse en parapente ata a praia, así como
para facer rutas de senderismo ou de bicicleta.
